Endurnýjun lyfseðla

Skjólstæðingar heilsugæslu HSB geta óskað eftir endurnýjun lyfseðla með tölvupósti. Hér er átt við lyf sem fólk hefur áður fengið skrifað upp á hjá HSB.

Það sem þarf að gera er að senda upplýsingar um nafn, kennitölu, símanúmer, heiti lyfs, skammtastærð, ástæðu lyfjatöku og í hvað apótek viðkomandi vill fá lyfið sent.

Reynt verður að afgreiða sem mest samdægurs en ekki er hægt að lofa afgreiðslu nema innan 2ja virkra daga. Því er fólk hvatt til að sýna fyrirhyggju og óska eftir endurnýjun í tíma.

Að öllu jöfnu eru ekki afgreidd svefnlyf, sterk verkjalyf, róandi lyf og sýklalyf á þennan hátt.

Sendið tölvupóst á netfangið sigrunk@hsb.is   með ofangreindum upplýsingum.