Ágætu Húnvetningar, nú er svo komið að þörf er á að bæta tækjabúnað HSB. Augnlæknir fæst ekki lengur til að koma og veita Húnvetningum þjónustu sökum úrelts tækjabúnaðar. Felld hafa verið úr gildi lög um augnlækningaferðir eins og það var kallað hér áður og um leið þær skyldur sem ríkið hafði vegna slíkra ferða. Nýr tækjabúnaður sem uppfyllir kröfur um nútíma lækningar kostar um 600.000 kr. og þar sem það er ekki talið í verkahring stofnunarinnar að sinna slíkum málum er ekki heldur fjárveiting frá ríkisvaldinu til þess heldur að endurnýja tækin. Þá teljum við einnig þörf á að kaupa svokallaðan blöðruskanna en hann kostar um tvær milljónir króna. Hollvinasamtök HSB hafa ákveðið að beita sér fyrir söfnun í þeim tilgangi að kaupa ofangreind tæki og vilja undirritaðir hvetja fyrirtæki, stofnanir og einstaklinga til að leggja þessu málefni lið. Munið að margt smátt gerir eitt stórt. Þeir sem vilja leggja þessu málefni lið geta lagt inn á reikning samtakanna nr: 0307 - 13 – 700270 – kt. 490505-0400 Með fyrirfram þökk fyrir veittan stuðning Ásgerður Pálsdóttir formaður Hollvinasamtaka HSB Valbjörn Steingrímsson forstjóri HSB

Eins og undanfarin ár völdu lesendur Feykis og Feykis.is mann ársins úr hópi þeirra sem tilnefndir voru af íbúum svæðisins. Þau átta sem í kjöri voru fengu öll atkvæði enda vel að kjörinu komin en baráttan stóð á milli þeirra Einars Óla Fossdal á Blönduósi og Stefáns Pedersen á Sauðárkróki en þeir tveir fengu flest atkvæðin og var mjótt á munum. Á hæla þeirra kom Hvammstangabúinn Ómar V. Karlsson.

Hið árlega Jólahlaðborð hjá HSB var í dag 8 desember. Að venju var það glæsilegt og gott og á myndunum hér til hliðar má sjá starfsfólk eldhúss HSS sem útbjó hlaðborðið og aðra starfsmenn og gesti þeirra. Við þetta tilefni fá starfsmenn einnig jólagjafir frá starfsmannafélaginu. Hafið hjartans þakkir Beta, Dóra, Siffa og Þrúður sem áttu heiðurinn af því að útbúa jólahlaðborðið þetta árið. Sett inn af: Valbjörn Steingrímsson

Í dag byrjaði starfsfólk eldhúss HSB að baka til jólanna. Þeim til aðstoðar voru nokkrar vanar konur sem nú eiga heimili á stofnuninni. Á myndunum hér til hliðar má sjá að handagangur er í öskjunni og mikið að gera.

Niðurskurður í velferðarmálum – hvað er verið að gera var yfirskrift erindis Guðbjarts Hannessonar sem hann flutti starfsfólki HSB 3. nóvember sl.